قـِصـٌِهَِ وقـِصيـٌِدهـِ مـِبـكيـهٌِ جـِدٌآِ ..!

قصيده يرددها كل من في المستشفى

فهي قصيده على لسان سيدة وقورة ترقد احد المستشفيات منذ سنوات

قصتها مبكية الحقيقه ..

تقول هذه السيدة قبل سنوات جاء زوجي وطلب مني اروح معاه السوق

وقالي اشتري اللي تبين وبأي سعر واشتريت افخم الثياب واجملها

وجميع المستلزمات للبيت وغيره ..ورجعت للبيت مسرورة وفرحانه..

فجأة ... قالي زوجي كل هالاغراض مو لك ..

هذي لزوجتي الجديدة وانتي الحين طالق ..

بعد هالحادثة اصيبت الزوجة بجلطة وغيبوبه جلست في المستشفى ..

ولا احد يزورها غير اخ لها زارها كم مره وبعدين بطل لما طالت المدة

ولازالت موجودة في المستشفى والكل يعرفها وحافظ قصائدها وكلماتها

ولما تسألها عن قصتها تبكي بحرقه وتردد قصائد توجع القلب

لانها ولهانه حيل على اولادها ولا تدري عنهم شيء فالكل هجرها ..

وهذي احد قصائدها تقول فيها :






تكفيـن ياطيـور حـرار افزعيلـي ... ابي عن اديار الاهل منك الاخبـار
تكفين حومي فوقهم وارجعـي لـي ... والا ان حصل لك حومة داخل الدار
تكفين حـول ابيوتهـم دوري لـي ... سبعة فروخ يـوم اخليهـم صغـار
شوفي ضناي وعودي وانكفي لـي ... وشلونهـم ياعلهـم صاروا كـبـار
نسيو ادفـاي ونومهـم فـي شليلـي ... وش علمهم ياعلهم طـول الاعمـار
قولي لهـم أن امكـم لـه عويلـي ... خمسة سنيـن دمعهـا دوم مـدرار
وقولي لهم اني على طـول ليلـي ... انـوح وليا قـرب الصبـح انهـار
وقولي عيونـه دايـم لـه هميلـي ... تبكي ليا شافـت مـن النـاس زوار
كل يوم اقول اغدي حديهم يجي ... لي راحت سنيـن مابهـم واحـد زار
وانا اللي من سبة سـوات الحليلـي ... حالي تـردت كـل مالـه وتنهـار
وفرقى ضناي اللي تـردت بحيلـي ... كني على شوفتهم اصلى على نـار
ياويلـي كـان الله عجـل رحيلـي ... وانا لي سنين ابـي لو هـي اخبـار
ياعونة الله الله من يبي يتكـي ... لـي جارت علي بامر الولي كل الاقـدار
تنكـروا مـن يدخلـون الدخيلـي ... واللي بوسط ديارهم يامـن الجـار
قولي لهـم ياطيـور قلبـي عليلـي ... الله يكافي قلوبهم صـارت احجـار
وانا اللي لبراق الخيـال استخيلـي ... واقـول ياعـل (......) للامطـار
.تكفين وسط ديارهم صوتـي لـي ... شوفي عسى لاسمي مع الناس تذكار
وقولـي لمـن نسيانهـم يستحيلـي ... ياللي نسيتوها تـرى الوقـت دوار
ياهيـه ياللـي بالسمالـك هديـلـي ... ردي خبر تكفيـن يكفينـي امـرار
شوفي اللي نومهم فـي شليلـي ... من اذانه المغرب الى وقت الاسحار
شوفي اللي مااهتني فـي مقيلـي ... الا بمقيـل معهـم كبار وصـغـار
وقولي لهم ان كان حملـي ثقيلـي ... مره يجون وعقبهـا شـي ماصـار
وانـا يتولانـي كـريـم جليـلـيي ... اعلني في جنتـه وسـط الابـرار




خـآفـوآ ربـكم فـي آمـهـآتـكـم

والله اليهودي تلقونه حن قلبه

بس مآ آقول غير حسبي الله ونعم الوكيل

وش ذنبها يوم حملتك تسعه شهور

وارضعتك سنتين

آخي وآختي الظآلمه آتمنى ترآجعون حسآبتكم

ترى الجنـه تحت آقدآم الامهـآت

ومحد يحس بقيمة الشيء الا بعد فقدنآهـ

تحيآتي لكم

آخـوكـم المخلـصٌ / فلها

تسلللللم فلها

يسلمووووووو