عيـــــــــــون الليل

بعد التحيه والأحترام

نامت عيون الليالي والارق بالجفـن فـاق ...........

..............ماعرفت الا السّهـاد ولا شكيـت الا عنـاه

عام عدى والزمن والوقت في حزن و سباق ............

..............وعامي الثاني لفى والوصل قصر في عطـاه

ويـن ايـام المحبـه والمعـزه والوفـاق ..................

..............وينهـا دنيـاك يادنيـاي يـاكـل الحـيـاه

ليه من بعدك حياتي مالهـا طعـم ومـذاق .............

..............ليه كل ماجيت ابحكي تنبـض الكلمـه بـآه

آه يـاذل الليالـي وآه يـا مـرّ الـفـراق ...............

..............واعذابٍ محتويني شـوق و المـرّ احتـواه

والله لين اليوم ابكي فالخفـا دمعـي يـراق .............

..............ازرى ينسى حزنه اللي من ورا البعد اعتراه

شلون ابضحك ياحبيبي شلون يسكنّي مراق ..........

..............فرحتي ماتت وضحكي من سنه تقبّل عـزاه

لي متى بصبر وصدري ملّ من صبره وضاق .............

..............والوجع يسري بدمّـي جـدد بهمّـي شقـاه

سقت لك دمعي ودمعي لجل احاسيسك يساق ...........

...............تكفى علمني غيابك وش لقى بآخـر مـداه

المكان اللي جمعنا مـن تركتـه مايطـاق ..............

................كل مامريت ينشـد ليـه ظلّـك مـا لفـاه

ولا لقيت من الاجابه غير غصـه واختنـاق ..............

...............ولا بقى غير الحنين يترجـم بدمعـه غـلاه


وتقبلـــــــــو تقديـــــــــري وأحترامي