هالقصيده جتني من واحد من الشباب على الإيميل يعني طازجه
في قصيدة من الشعر النبطي (الشعبي) تقدم شاعر سعودي يدعى منصور الشيباني العتيبي لخطبة رغد صدام حسين ، و في الوقت الذي تنتظر اسرته و قبيلته ما ستسفر عليه هذه الخطبة يقال أن رغد لم ترفض الطلب.
القصيدة كما جاءت على لسان الشاعر
ألا وهني من ثبت على صدره رغـد صـدام
خذاهـا بالحـلال و سنـة التوحيـد وكتابه
خذاها مبهم الغايـة خذاهـا مابـلاه اعـلام
خذاها منفردا بطيب اعروق الساس ونسابـه
خذاها بنت ذاك اللي رفع رأس العرب بوسام
خذاها مهرة تصهل وبنـت حصـان يغزا بـه
خذاها ما ثنى رجله يسـوق الخطـوة إلقـدام
تقدم يوم قالت تم يمـوت يعيـش يحيا بـه
وانا اللي مستعد اقدم لو ازعل معظم الحكام
أسوق إلها المهر لو راس تون ابلير ترضابه
مبي غيرها ولو قالو عليك من البنات إزحام
مبيهن لو بهن زين و بنات شيوخ من لابـه
ابي رغد هاذيك اللي اتشاهد لحظة الإعدام
تبسم يوم أبوها قدم للمـوت ما هابـه
تبادله العياد بلحظه الموقـف يجيـه إلهـام
تبادله الوداع بصوت تفخـر يـوم تبدابـه
اتقول أفـداك يا يابه يا بو عـدي يالمقـدام
عليك البيض ياالصامد بدون إقناع وإعصابه
عشت بين العرب حاكم ومت يا والدي عـزام
عسى ها الكون لك فدوه جميع الناس وأحزابه
قوية باس من باسٍ تلازمه الشموخ إلزام
عليها من نعاطيسه كـرات الـدم تسعابـه
أبيها وأفصح الغاية لابي سمعـه ولا هنـدام
ولا يلزم جمال ولا عليهـا اقصـور جذابـه
ابي منها ثلاثه بس وكل إغلام يفوق إغـلام
ابي من جدهم حنكه ومنـي هيبـة عتابـه
أبي في حضنها يرقد حفيـد المعجـزة وينـام
وأبي عن جده إتسولف قبل مينـام يسهابـه
أبيه إن نام يحلم به و تكثـر زخـة الأحـلام
وشوف الصبح في طبعه ردود افعال تتشابـه
أبي يكبر على ذكره و يتبـع سيرتـه بحكـام
أبي نفس الشجاع اللي سعيد الغرب بغيابـه
أبيهم للعروبه في ردي الموقف سند وحـزام
أبيهم يفطمون اللـي علينـا كشـر انيابـه
بوصيهم ثلاثتهـم سياسـة جدهـم صـدام
بحق الغراب لو مابه خيانـه جـذت اطنابـه
أبي الأول يحوف إلكم سلالة بـوش والاقـزام
يذكرهم حصاد ارواح اهل تكريـت واقرابـه
ابيه اليا انتخت بغداد انا أخت الفارس الجـزام
يقول ايو الله اختي لعنبو من يرخص اترابـه
يهز ابسيفه الكرسي يتـل إموسقـه بحطـام
يقول انه خلف جدي وانا اللي منكـم اولابـه
تمركز واسمه الحاكم على الطاعه ولد خصام
يرد الدار عقب العـار علـم بغـداد علا بـه
يجدد بالوفا عهد و علاقه بين شـرق و شـام
عضيد الجار له مقدار حريص الذيب لذيابـه
عزيز للعرب عزه حشيـم لا لفـوه احشـام
عقوبه للعميل ايمـوت سـم الـداب في دابـه
وأبي الثاني فتى الاقصى يعوض ماخذاه اعـوام
تصيح اعلى المـأذن بالله اكبـر لاتمثنا بـه
يشب النار فوق النار و يدفن با لنحور اسهـام
يحط الرعب بقلوب اليهـود ويقفـل ابوابـه
ابي صدر العرب يطوي مسافه عاشها منضام
ابيه ايفوز بالتحرير و نصر القـدس يهنا بـه
و أبي الثالث تحت يمنى مليكي خـادم الاسـلام
عظيم الامـه القايـد ابو متعـب فخرنا بـه
هذاك اللي ليا حامت اخصومه دون دارة حام
كفخ صقر العروبه دون شعبه يفتل اشنابـه
ليا بادر يعبر عن قراره فـي رؤوس اقـلام
يكفي هيبته جالس و كلن يحسـب احسابـه
و انا في حب ابو عابد حرم اني اهيـم هيـام
اقبل صورته و اطلق حفظـه اللـة لحبابـه
ابيه أيكون له خادم تحت امره رفيـع الهـام
ايقبل كفـه اليمنـى اوامـره سـم و مجابـه
ابي يحرص على شوفه يحط الزام عقب الزام
ابيه يصير لو ربع الزعيـم اللـي يحفوا بـه
و هاذي منتهى الغايه ولاكن قبل اقول اختـام
ابرسـل خـط برقيـه يعـد اللـي نوينا بـه
بدزه عاجل و سري عليه من اليميـن ارقـام
بيانه جملةٍ تبغا الصتيمه يمسـك اعصابـه
بجي يا عاهل الاردن تحرانـي خـلال ايـام
نسوق لك المواتر من جنـوب الـدار خطابـه
تحراني عسى ربي يجنبنـي حبـر و ابهـام
اما اني جيتكم طالب أونـي ضعـت بطلابـه
وسلامتكم
منقوله للشاعر :: منصور الشيباني العتيبي
موضوع: شاعر سعودي يخطب رغد صدام بقصيده ...!! 
الإثنين مارس 10, 2008 4:51 pm
